Carles Puigdemont Kataluniako presidentea prest agertu da Belgikako justiziarekin elkarlanean aritzeko, Espainiako Auzitegi Nazionalak haren kontrako nazioarteko atxilotze agindua eman ostean. Carmen Lamela epaileak agindu du atxilotzea, Espainiako Fiskaltza Nagusiaren eskariari erantzunez, Puigdemontek Auzitegi Nazionalera deklaratzera joateari uko egin ostean.
We zijn bereid tot volledige medewerking met Belgische justitie nav het Europees aanhoudingsbevel uitgevaardigd door Spanje
— Carles Puigdemont 🎗 (@KRLS) November 4, 2017
Kataluniako presidenteari matxinada, sedizioa eta diru publikoaren erabilera okerra leporatzen dizkio epaileak, Generalitateko gainontzeko kideei bezala. Puigdemont Bruselan da bere espetxeratzea ekiditeko, eta harekin daude Toni Comin, Meritxell Serret, Lluis Puig eta Clara Ponsati kontseilariak.
Euroagindua, justiziaren eskumena
Puigdemont atxilotzeko Lamelak eman duen euroagindua Belgikako justiziaren eskumena dela nabarmendu du gaur Koen Geens Belgikako Justizia ministroak. Geensek adierazi du, estradizio eskarien kasuan ezbezala, euroaginduen prozeduran gobernuak ez duela inolako egitekorik. "Prozedimendua guztiz judiziala da", adierazi du.
We zijn bereid tot volledige medewerking met Belgische justitie nav het Europees aanhoudingsbevel uitgevaardigd door Spanje
— Carles Puigdemont 🎗 (@KRLS) November 4, 2017
