Vladimir Putin Errusiako presidenteak Gobernua desegin du gaur, Mijail Fradkov lehen ministroak hala eskatuta. "Abenduan [Errusiako] Legebiltzarreko hauteskundeak izango dira, 2008ko martxoan Presidentziakoak, biak ere garrantzi handikoak, eta presidenteak erabateko askatasuna izan behar du jokatzeko", esan du Fradkovek.
Arrazoi eman dio Putinek. "Hauteskunde aurreko garairako boterea nola antolatu pentsatu behar dugu", adierazi du presidenteak, eta ondoren Gobernuaren buru Victor Zubkov izatea proposatu du. 65 urte dauzka Zubkovek, ekonomilaria da eta Finantza ministro-orde izana da.
Fradkovi behin-behinean lehen ministro karguan segitzeko eskatu dio Putinek. Bide batez, azkeneko hiru urte eta erdian egindako kudeaketagatik eskerrak eman dizkio, eta sasoi horretan izandako "arrakasta ekonomikoa" azpimarratu du.
Errusia
Putinek Gobernua desegin du hauteskundeei begira
Abenduan Errusiako Legebiltzarreko bozak izango dira, 2008ko martxoan Presidentziakoak eta horiei begira "erabateko askatasuna" izateko hartu du gaurko neurria. Victor Zubkov proposatu du gobernuko buru izateko.
Iruzkinak
Ez dago iruzkinik
Ordenatu
