Quebecen gobernua eratuko du gaur PQk

MONTREAL. PQ Alderdi Quebectarrak gobernua eratuko du gaur —hilaren 4an hauteskundeak irabazi zituen—, eta Pauline Marois izendatuko dute lehen ministro. Kanadako banderak sortu du lehen eztabaida, PQk parlamentutik kendu baitzuen, baina atzo berriz jarri zuten, oposizioko bi alderdi nagusiek bat egin zutelako. Dena den, Maroisek kargua hartzean berriz kentzeko asmoa du PQk.