Ramadanaren azken eguna ospatuko dute gaur

Gaur amaituko dute Ramadana musulmanek eta bihar, berriz, Eid ul Fitr ospakizuna hasiko da. Palestinarrek, baina, ez dute ospakizunetarako gogo handirik. Jasser Arafat buruzagiaren heriotzak ilundu egin ditu haien aurpegiak. Horretaz gain, PAN Palestinako Aginte Nazionalak 40 eguneko dolualdira deitu du. Beraz, normalean, esker ospakizun egunak direnak, dolu egun bilakatuko dira. «Arafaten heriotzak ospakizunerako gogoak kendu dizkigu», esan zuen Mohammed Ashour 14 urteko mutikoak. «Ez daukat Eid ul Fitra ospatzeko gogorik, baina palestinar guztiek ez dute nik bezala sentitzen», adierazi zuen Mohammed Madoukhek.