Hauteskunde orokorretara deitu nahi dute 2015 hasierarako, eta bien bitartean batasun gobernua osatuko dute Hamasek eta Al-Fatahek, apirilean akordioa sinatu ostean. Rai tokiko albiste agentziak jakinarazi du Hamdalaren izendapena, eta esan du gutxi barru ezagutuko direla gainontzeko kideen izenak. Baliteke igandean ixtea negoziazioak bi aldeek.
Apirilean sinatutako akordioarekin, eta zazpi urtez bi administrazioren pean egon ostean, batasun nazionaleko gobernua izanen dute palestinarrek ekainetik aurrera. Urte horietan guztietan, Hamasek agindu du Gazan, eta Al-Fatahek kontrolatutako PANek, berriz, Zisjordanian.
