Romneyk irabazi du Wyomingen

WASHINGTON. AEBetako errepublikanoen lehian beste garaipen bat lortu du Mitt Romneyk, Wyomingen. Bozen %39 eskuratu ditu. Rick Santorumek, berriz, %33. Atzean geratu dira Ron Paul eta Newt Gingrich. Datorren asteko astearte handiko lehiara begira daude hautagaiak, egun horretan hamar estatutan egingo baitituzte bozak eta 437 ordezkari egongo baitira jokoan.