Espainiako Gobernuak Juan Martinez Galdeanoren hilketari buruzko ikerketa zorrotz eta ardura gutiak argitu arte eramango duela aurrera ziurtatu du Alonsok TVE Espainiako telebista publikoan egin dioten elkarrizketan. Ikerketa zorrotza egitea eta arduradunak zigortzea Guardia Zibilaren mesederako dela erantsi du. "Guztiz salbuespenezkoak diren gertakari horiek ezin dute Guardia Zibilak erdietsi duen prestigio historikoa lausotu", adierazi du.
Orain arte Martinez Galdeanoren heriotzarekin zerikusia dutela uste den bederatzi guardiazibilen kontra Gobernuak erabaki dituen badaezpadako zigorrak "neurrikoak" direla iritzi dio ministroak. Izan ere, ikerketari "oztopoak" jarri zaizkiola onartu du, eta atxilotuak "tratu inhumanoa" jaso zituela adierazten duten zantzu esanguratsuak daudela. Roquetaseko kuarteleko bederatz guardia zibil (teniente bat, zortzi guardia, eta guardia ikasle bat) sei hilabeterako lanetik baztertu dituzte eta espedientea ireki diete. Gainera, Roquetaseko auzitegiak inputatu egin ditu bederatzi guardia zibilak Martinez Galdeanoren heriotzagatik.
Espainia / Tratu txarrak
Roquetaseko tortura kasua "guztiz salbuespenezkoa" dela esan du Alonso ministroak
Roquetas de Marren (Andaluzia, Espainia) atxilotu batek Guardia Zibilaren esku tratu txarrak jaso eta haien ondorioz hil izana "guztiz salbuespenezko gertakaria" dela esan du Jose Antonio Alonso Espainiako Barne ministroak. Jazoera horrek Guardia Zibilaren "prestigio historikoa" zabartzen duela erantsi du, eta hori gerta ez dadin eramango dutela azken bururaino ikerketa. Kasua argitzeko "oztopoak" aurkitu dituztela onartu du Alonsok.
Iruzkinak
Ez dago iruzkinik
Ordenatu
