Carles Pigdemont buru izango duen zerrendako gainontzeko izenak argitara ateratzen ari dira apurka-apurka. Jordi Sanchez bigarrena izango zela jakin zen atzo, eta gaur beste izen batzuk gehitu zaizkio, besteak beste, Bruselan dauden Clara Ponsati eta Lluis Puig kontseilariak, eta Estremerako espetxean dauden Jordi Turull eta Josep Rull.
Horiez gain, badira independente gisa aurkeztu diren beste batzuk ere, esaterako, orain arte Madrilen Generalitatearen ordezkari gisa aritu izan den Ferran Mascarell eta Letra Katalanen Institutuko zuzendari Laura Borras.
Bestalde, eta Oriol Junquerasek aurrez egindako adierazpenei kontrajarriz, "arraroa" iruditzen zaio PDECateko idazkari nagusiak Puigdemont ez den beste inor jartzea Generalitateko buruzagitzan, nahiz eta bozak beste alderdi subiranista batek irabazi: "Finean bera da Kataluniako presidentea".
