Frantziako presidente Nicolas Sarkozy eta Erresuma Batuko lehen ministro David Cameron Libian daude gaur, Trantsitziorako Kontseilu Nazionalari babesa emateko. Sarkozy eta Alain Juppe gaur goizean abiatuko dira, 06:00etan, eta Tripolin daudela baieztatu dute.
"Sarkozyk eskubidea du Libiara datorren lehen presidentea izateko. Izan ere, Frantziaren esku-hartzea gabe Bengazik eta herriak ezingo zuketen iraultza herrialde osora eraman", esan du Jaled Amer al Turiuman Kontseilu Nazionaleko idazkariak.
Bisita, ordea, laburra bezain sekretua izaten ari da eta ez dago horren gaineko informazio askorik. Tripoli hiriburuan ziren elkartzekoak Sarkozy eta Cameron, eta Frantziako presidentea handik Bengazira joatekoa da.
