Nicolas Sarkozy Frantziako presidenteak iragarri du politika utziko duela, Frantziako presidentetzarako hauteskundeetan garaipena lortzen ez badu. Apirilaren 22an izango da lehen itzulia; bigarrena, berriz, maiatzaren 6an izango da.
Inkesten arabera, François Hollande Frantziako presidentetzarako hautagaia aurretik da.
Politika utziz gero zertan ariko den ez daki Sarkozyk, RMC eta BFM TV hedabideei jakinarazi dienez.
Emakumeen Nazioarteko Egunaren harira, Sarkozyk esan du hauteskundeak irabazten baditu agentzia publiko bat sortuko duela bananduta dauden emakumeek pentsioak jaso ditzaten.
