Turkiako kostazainek jakinarazi dutenez, bi izan dira hondoratu diren ontziak. Batean 55 errefuxiatu zihoazen, gehienak afganiarrak eta siriarrak, eta horiekin zihoazen lau haur ere hil dira. Lesbos uhartera zihoazen, errefuxiatuek Grezian duten helduleku nagusietako bat.
Ordu batzuk lehenago beste bi haur hil dira. Ontzi horretan 25 errefuxiatu inguru zihoazen. Bodrum penintsula inguruan hondoratu da ontzia, eta Diven Halil Hussein eta Beren Halil Hussein anaiak hil dira; batek urte bat eta besteak 4 zituen.
