Sei herrialdek Bakearen Nobel sari banaketa boikotatzea erabaki dute

Sei herrialdek Bakearen Nobel saria banatzeko ekitaldian ez parte hartzea erabaki dute: egindako gonbitari ezezkoarekin erantzun diote Errusiak, Irakek, Kazakhstanek, Kubak, Marokok eta Txinak. Azken horrek egindako presioak izan du zerikusia horretan. Txinak izugarrizko kanpaina egin du sari banaketari sabotajea egiteko.

Liu Xiaobo disidente txinatarrari eman diote aurten Bakearen Nobel saria. Liu, baina, preso du Txinak, eta ez berari ez familiari ere ez die utziko saria banatzeko ekitaldira joaten. Horregatik, ekitaldi bertan behera utz dezakete, edo bestela, atzeratu.