Anaia Musulmanek Facebook sare sozialean eskegitako komunikatu baten arabera, lau pertsona hil eta berrehun bat inguru zauritu dira Mansura hirian gertatutako istiluetan. Jakitera eman dutenez, Mohamed Mursi presidente ohiaren aurkariek egindako tiroz zauritu eta hil dira biktimak.
Istiluak Egiptoko hainbat probintziatan egin diren manifestazioen ondotik etorri dira. Presidente ohiaren aldeko eta kontrako manifestariak leudeke gertakari horien atzean.
Bestalde, Anaia Musulmanek ohar bidez salatu dutenez, aurreko egunetan atxilotutako erakunde islamistaren goi karguak segurtasun handiko espetxe batera eraman dituzte. Atxilotuen artean, Mahdi Akef erakunde islamistaren presidente ohia, Rashad Bayumi zuzendari laguntzailea, eta Shater lehendakariordea leudeke, besteak beste.
