Ustez Al Kaedako kideek senar-emazte ziren bi lagun hil dituzte gaur Iraken, Diyala eskualdean, eta ondoren bikotearen lau umeei hankak hautsi dizkiete, polizia iturriek esan dutenez. Biktimen etxean izan da erasoa, Bagdad hiriburutik 120 kilometro ipar-ekialdera.
Hildako gizonezkoa -Ali-, Salbazio Kontseiluko kidea zen. Irakeko polizia indarrekin Al Kaedaren aurka ari da kontseilua.
Iturri ofizialek diote lehendabizi Ali hil dutela, ondoren emaztea, eta gero lau umeei -bi mutil eta bi neskari- belaunetara tiro egin dietela.
