Serbiaren bozetarako deialdia salatu du Kosovok

PRISTINA. Serbiak maiatzaren 6rako deitu du legebiltzarrerako eta udaletarako bozetara, eta Kosovok leporatu dio liskarrak eragin nahi izatea lurraldean. Ondorioak izan ditzakeela uste du Hashim Thaci lehen ministroak, eta erabakia bertan behera uzteko bere esku dagoen guztia egingo du. Hauteskundeak Kosovoko hainbat udalerritan ere izango dira.