Siberiako leherketan 106 meatzari hil dira

Mosku. Denbora pasa ahala, Siberiako Ulianovskaia meategian harrapatuta jarraitzen duten lau meatzariak bizirik ateratzeko itxaropena murriztuz doa. Jada, 106 dira astelehenean Siberiako meategian izandako leherketan hildakoak. 93 pertsona atera dituzte orain arte bizirik. Salbamendu taldeek zailtasun ugari izan dituzte jendea ateratzeko. Errusiako meategiak segurtasun neurri eskasak dituzte, batez ere Sobiet Batasuna desagertu zenetik. Dena den, leherketa izan den meategia duela gutxi ireki zuten, eta agintarien arabera, baldintza guztiak betetzen zituen. Argazkian salbamendu lanetan laguntzen ari diren meatzariak.