ANCko 3.000 boluntario baino gehiago lanean izan dira asteburuan, Kataluniako eskualde guztietan independentziaren aldeko sinadurak biltzen. Signa un vot (sina ezazu boto bat) kanpainaren barruan, Kataluniako Parlamentuari bi eskaera egitea da ANCren helburua: alde batetik, azaroko kontsulta subiranista egin ahal izateko aukera guztiak azter ditzala, eta Madrilek erreferenduma debekatuz gero, independentzia aldarrika dezala.
Egitasmoa arrakastatsua izan dela nabarmendu du ANCk.
