NBE Nazio Batuen Erakundearen arabera, Siriak joan den martxotik 3.500 zibil baino gehiago hil ditu Bashar al Assad presidentearen erregimenaren kontrako protestak isilarazi nahian. "Izugarrizko errepresioa ari da burutzen", NBEk dioenez. "Homsen Der Balaba auzoan, esaterako, egoera beldurgarria da".
Lehengo astean Arabiar Ligak zioen Siriarekin akordioa lortu zuela, honek indarkeria eten zezan, baina NBEk jakinarazi du Siriak ordutik 60 pertsona hil dituela. "Odol isurketa hau geratzeko ez ditu nazioartearen eskaerak entzuten".
Al Assaden ustez, "Siriak bere subiranotasunaren aurkako edozein borroka irabazteko beharra du".
Gaur oposizioko kideek zortzi polizia eta soldadu hil dituzte. Siriak, berriz, hamabost zibil.
