Siriako Baxar al-Assad Siriako presidentearen aldeko indarrek Homs hiria bonbardatzen jarraitzen dute, oposizioaren gotorleku garrantzitsuenetako bat. Atzo egindako erasoetan, 60 lagun baino gehiago hil zituzten, oposizioaren arabera.
Goizaz geroztik 500 jaurtigai bota dituzte Bab Amro auzoko hainbat etxetan, mezkitetan eta manifestariak egon ohi diren lekuetan.
Oposiziotik azaldu dutenez, ez da posible kalera ateratzea, "mugitzen den guztiaren aurka" tiro egiten duten frankotiratzaileak baitaude kaleetan.
