Siriako armadako hamarnaka tanke sartu dira Shuhail hirian

Siriako armadako hamarnaka tanke sartu ziren atzo herrialdearen ipar-ekialdeko Shuhail hirian. Behin hirian sartuta, tiroak edonora jaurti zituztela salatu dute erreboltariek, baina ez dute balizko biktimen berririk eman. «Erregimenaren kontrako protesta ugari izan dira Shuhailen, eta neurriz kanpoko indarra ari dira erabiltzen jendea beldurrarazteko», salatu dute ekintzaileek.

Bitartean, Bashar al Assad diktadoreak esan du «pauso sendoz» egingo duela aurrera bere erreformekin, eta Mendebaldea Siriak amore eman nahian ari dela salatu du.