Geneva-2 bake konferentzia noiz egingo den ez dago argi, baina Siriako Koalizio Nazionalak parte hartzeko prest dagoela jakinarazi du, iaz Genevan ezarritako oinarriak betetzen badira. NCSROF Siriako Iraultzaileen eta Oposizioaren Koalizio Nazionalak jarritako baldintza konferentziaren aurretik trantsizioko gobernu bat osatzea da, Baxar al-Assaden eta oposizioko indarren ordezkariek osatua. Eskuak odolez zikinduak ez dituzten kideek.
Behin-behineko aginte horrek armadaren eta segurtasun alorraren kontrola ere hartu beharko luke, Siriako Koalizio Nazionalaren iritziz. Eta bake konferentzia hasi aurretik giza laguntza iristeko moduak jartzea ere nahi dute, Ahmed Yarba NCSROFeko presidentearen eledun Monzer Akbik-ek adierazi duenez.
Siriako Gobernua ere Geneva-2 konferentzian parte hartzeko prest agertu zen aurretiaz, baina ez du onartzen baldintza gisa Al-Assadek agintea uztea.
