SNCFko hamar mila langilek Frantziako trenbide sarea ikuskatzen jarraitzen dute, lehergailuen bila

Frantziako tren sarea kudeatzen duen SNCF enpresako hamar mila langilek trenbideak ikuskatzen jarraitzen dute, ustez AZF taldeak jarri dituen hamar lehergailuak aurkitzeko, Gaur eguerdirako espero zuten Frantziako trenbide sareko 32.000 kilometroak ikuskatzeko lanak amaitzea, baina arratsaldean ere lan horretan jarraitu beharko dute. Hala ere, momentuz ez dute lehergailurik aurkitu. AZF taldeak trenbide sarean hamar lehergailu ipini dituela ohartarazi dio Frantziako Gobernuari, lau milioi dolar eta milioi bat euro eskatzen dizkio lehergailuak indargabetzearen truke.