Eskozian boto kontaketa amaituta, 163 eskuratu ditu SNPk, 31 alderdi kontserbadoreak, 24 laboristek eta sei berdeek, eta Lib Demsek bost. Gehiengo osoa izateko 65 eserleku behar dira, eta SNPk ez du lortu, sei eserleku gaidu baititu. Berdeekin bat eginda lortuko luke gehiengoa, eta aurreikuspenen arabera, horretan saiatuko dira. Izan ere, independentista da Eskozioako alderdi berdea, eta aurretik ere arituak dira lankidetzan.
Inkesten arabera, nahiko argi zegoen SNPk irabaziko zuela. Eta, oposizioko buru izateko lehia estua aurreikusten zuten laboristen eta kontserbadoreen artean. Kontserbadoreak egin dira postu horren jabe, 16 eserleku irabazita. Alderdi laboristak kolpea jaso du, eta 13 eserleku galdu ditu. RISE ezkerreko koalizio independentista berriak, berriz, ez du hautetsirik lortu.
Galesen laboristak
Laboristek nagusitasunari eutsi diote Galesen, baina ez diote gehiengoari eutsi. 60 eserlekutatik 29 eskuratu dituzte laboristek; Plaid Cymru alderdiak 12 lortu ditu; alderdi kontserbadoreak 11; UKIPek 7 eta Alderdi Liberal Demokratak 1.
Ipar Irlandan, berriz, gaur hasi dira botoak zenbatzen, baina sistema konplexua dutenez, ez da emaitzarik espero bihar baino lehen.
