Mogadiscioko Nazioarteko Aireportua, eta hiriburutik ehun bat kilometrora dagoen Baledogle hirikoa bonbardatu ditu gaur goizean Etiopiako Armadak. Arestian aipatu bezala, pertsona bakar bat, emakumezko bat, zauritu da eraso horietan, baina itxi egin behar izan dituzte.
Aireportu horiek Somaliako erreboltari islamisten mende daude, hau da,Auzitegi Islamikoen Batasunaren esku. Somaliako trantsizio Gobernuaren aurka altxatu dira Auzitegi Islamikoak -Gobernuaren ahultasuna baliatuz-, eta Etiopiari ere gerra santuaren mehatxua egin diote.
Erreboltarien adierazpen hori dela eta, "gerran sartzera behartu" dituztela adierazi dubart Etiopiako lehen ministro Meles Zenawik; "gerra ahalik eta lasterren irabazteko asmoa" dutela azpimarratu du.
Bitartean, Somaliako trantsizio Gobernuak mugak itxi ditu, erreboltariak Etiopian sar daitezela galarazteko.
Mundua
Somaliako erreboltarien esku dauden bi aireportu bonbardatu ditu Etiopiak
Mogadiscio hiriburuko aireportu nagusia da bietako bat, eta matxinatuen arabera, pertsona bat soilik zauritu da eraso horietan. Somaliako erreboltari islamistek "gerran sartzera" derrigortu dituztela adierazi du bart Etiopiako lehen ministroak.
Iruzkinak
Ez dago iruzkinik
Ordenatu
