Mahinda Rajapaksa Sri Lankako presidentea gerra krimenagatik salatu dute Australian. Tokiko hedabideek jakinarazi dutenez, Arunachalam Jegatheeswaran srilankarrak jarri du salaketa, tamilen kontrako jazarpenagatik. Salatzaileak dio Australian legezkoa dela salaketa hori.
Rajapaksa presidentea aste honetan Commonwealth erakundearen osatzen duten herrialdeetako buruek egingo duten bileran parte hartzekoa da Australian. "Gerra kriminal hori nire herrialdera etorriko da eta 2009an milaka tamilen heriotzagatik kargu hartzea nahi dut", esan du salatzaileak.
Nazio Batuen Erakundearen arabera, Sri Lankaren eta Tamil Tigreen arteko 37 urteko gerran 80.000 eta 100.000 pertsona artean hil dira; horietatik 40.000 2009an gatazkaren azken hilabeteetan hil ziren zibilak izan ziren.
Julia GIllard Australiako lehen ministroak esan du horrelako salaketa batek aurrera egiteko Robert McCielland fiskalaren baimena behar duela. Jegatheeswaranek esan du bidali diola horri gutun bat salaketaren berri emanez. Bere bulegoan, ordea, ez dutela ezer jaso diote.
Aurreko astetik Australian dauden zenbat goi-kargudun srilankar ikertzen ari dira 2009ko sarraskian izan dezaketen erantzukizunagatik, tartean.
