Su-etena eskaini dio ELNk Kolonbiako Gobernuari

BOGOTA. Gatazka konpontzeko bi aldeko su-etenerako eta negoziaziorako eskaintza egin dio ELN Nazioa Askatzeko Armadak Kolonbiako Gobernuari. CCP Kolonbiarrak Bakearen Alde kolektiboak bakea lortzeko egin duen lana ere aitortu du. Izan ere, erakundeak gobernuari eta ELNri, su-etena eskatzeko, gutunak igorri zizkien urtarrilean. 1964an hartu zituzten armak, eta datu ofizialen arabera, 2.500 gerrillari inguru ditu ELNk gaur egun.