SUA MENDEAN HARTU EZINEAN

Azken hamar urteetako udararik okerrena pairatzen ari da Espainia suteei dagokienez. Kanarietako Gomera uhartean sua mendean hartu ezinean dabiltza azken egunotan —irudian—, eta 1.300 lagunetik gora daude etxera itzuli ezinda. Urte hasieratik 132.000 hektarea baino gehiago erre dira herrialdean, iaz halako hiru baino gehiago. Espainiako Gobernuak suteak saihesteko eta horiei aurre egiteko baliabideak murriztu izanari egotzi diote errua oposizioko eragileek.