Sudango armadak Darfur bonbardatu du

KHARTUM. Sudango armadak Darfur bonbardatu zuen atzo. Hala salatu zuten eskualde hartako gerrillek. «200 ibilgailurekin, Antonov motako hegazkinekin eta artilleriarekin etorri dira, eta erasoaldia iluntzera arte luzatu da», adierazi zien Ibrahim al Hiluk, Sudan Askatzeko Armada gerrillako buruak. NBEren arabera, 300.000 pertsona inguru hil dira gatazkaren eta goseteen ondorioz Sudanen menpeko eskualdean.