Sudango bi estatuek akordioa egin dute Abiein

NEW YORK. Sudanek eta Hego Sudanek Abiei eskualdetik tropak ateratzeko akordioa erdietsi dute, NBEren Baketze Departamentuko zuzendari-orde Edmond Muletek jakinarazi duenez. Hil honen amaierarako bete beharko dute hitzartutakoa. Bi herrialdeen mugan dago Abiei, eta erreferenduma egitekoa du, zeini batu erabakitzeko. Bertzetik, Darfur eskualdean Sudango hamahiru polizia hil zituzten matxinoek atzo.