Julian Assange legez kanpoko atxiloaldian dagoela ebatzi du Nazio Batuen Erakundeak (NBE), eta egoera horrekin amaitzeko eskatu die Suediari eta Erresuma Batuari. NBEren beraren esanetan, gainera, erabakia binkulantea da, eta beraz, esandakoa betetzera behartuta daude bi herrialdeetako agintariak.
Ez dute baina horretarako asmorik. Suediak dio Assange bere erabakiz dagoela Erresuma Batuak Ekuadorren duen enbaxadan; "Suediako agintariek ez dute inolako zerikusirik bere erabakian".
Suediara estraditatzeko agindua saihesteko babestu zen Assangek Ekuadorko enbaxadan. Izan ere, bi emakumek haren aurka jarritako sexu jazarpen eta bortxaketa salaketengatik galdekatu nahi du fiskalak. Assangek dio egozten zaiona ez dela egia, eta AEBen itzala salatu du.
Estradizio agindu horrek ez du ordena Assangen egoera ekarri, Suediko Atzerri Ministerioaren arabera: "Bere askatasuna ez dago Suediako agintariek hartutako erabakiek baldintzatuta", adierazi dute Ministeriotik.
Gisa bereko jarrera hartu du Erresuma Batuak ere: "Erabaki honek ez du ezer aldatzen", esan dute Britainiako Atzerri Ministeriotik "NBEri argi utzi genion ez genuela onartuko bere txostenik. Assange ez dago modu arbitrarioan atxilotuta. NBEk ez dituela gertaerak ezagutzen gaineratu du Londresek.
