TAHRIR PLAZA, ISTILUEN LEKUKO BERRIZ

Gutxienez 200 pertsona zauritu ziren atzo Kairoko Tahrir plazan, gobernuaren aldeko manifestazio bateko parte hartzaileen eta kontrako beste batekoen arteko istiluetan. Izan ere, bi protesta zeuden deituta: bat, Mohamed Mursi presidentearen aurkakoa; bestea, aurreko gobernua agintetik kendu zuten protestetan manifestariak hiltzeagatik akusatu eta absolbitu berri dituzten kargudunen aurka. Horretara joan ziren gehienak Mursiren gobernuaren aldekoak ziren.