Madrilen, Palentzian eta Granadan (Espainia) eta Bartzelonan egin ditu atxiloketak Espainiako Poliziak, 06:00etan. Hamahiru atxilotuetatik bederatzi Madrilen atxilotu dituzte. Polizia iturriek jakinarazi dutenez, guztira hamazazpi miaketa egin dituzte. Miaketak egiten ari ziren bitartean beste hamalau lagun ere atzeman dituzte poliziek, erresistentzia delitua egotzita.
Hamabi atxilotuei talde terroristako kide izatea leporatzen diete, sabotajeak egitea eta lehergailuak jartzea. Operazioa zabalik dago oraindik.
Ez da azken hilabeteetan anarkisten aurka egindako polizia operazio bakarra. Abenduan, Bartzelonako Gracia auzoan dagoen Kasa de la Muntanya etxe okupatu historikoan 11 lagun atxilotu zituzten. Bartzelonako gune anarkista nagusietakoa da etxe hori.
