Passakorn Boonyaluck, Chiang Rai eskualdeko gobernadoreordeak eman du heriotzaren berri. Erreskate lanetan ari zen boluntarioa da hildakoa, Thailandiako itsas armadan urpekari izandakoa. Kobazulo barruan harrapatuta dauden haurrei oxigeno botilak eramatea zen haren egitekoa. Kobazulotik irteten ari zela hil da.
Ekainaren 23tik daude harrapatuta hamahiru haur eta haiekin batera zegoen begiralea, Tham Luang kobazuloan. Erreskate lanek luze jo dezaketeela erran zuten hasieran. Ivan Karadzic, lanean ari diren boluntarioetako batek Sky News-i adierazi dionez, ordea, litekeena da datozeen orduetan hastea. Eurite garaia da Thailandian, eta erreskate lanak ur mailaren menpen daude.
Haurrak urpekaritza klaseak hartzen ari dira —askok ez zekiten igerian—, eta salbamendu taldeak kobazuloa urez husten ari dira erreskatea errazteko.
