Thailandiako Defentsa ministroak esan duenez, militarrek balekotzat jo dituzte atzoko hauteskundetako emaitzak eta oposizioaren garaipena onartu dute. Ez dute beraz gobernu berriaren osaketa oztopatuko. Parte-hartzea %75ekoa izan zen atzoko bozetan.
Thaksin Shinawatra oposizioko buruaren Puea Thai alderdiak irabazi zuen. 500 legebiltzarkidetatik 265 lortu ditu. Gehiengo osoa izan arren, beste lau alderdi txikiagorekin koalizio gobernua osatuko duela iragarri du Yingluck Shinawatra lehen ministro izateko hautagaiak.
Orain arteko lehen ministro Abhisit Vejjajivaren Alderdi Demokratak 160 legebiltzarkide lortu ditu, eta dagoeneko eman du dimisioa horrek alderdiko buru bezala. 90 egunen buruan ezohiko batzarra egingo dute ondorengoa hautatzeko.
