Tibeteko 18 urteko fraide bat bere buruaz beste egiten saiatu da, Txinaren errepresioaren aurka azaltzeko bere buruari su emanda. Aaba eskualdean gertatu da, Txinako Gobernuko prentsa bulegotik jakinarazi dutenez. Hain zuzen, bi egun lehenago 19 urteko moja batek bere buruari su eman zion toki berean.
Losang Gyatso atzo arratsaldean saiatu zen bere buruaz beste egiten. Kirti monasteriokoa da, eta ICT Tibeten aldeko Nazioarteko Kanpaina gobernuz kanpoko erakundearen arabera, Poliziak hura laguntzera joan ziren bi lagun jo zituen.
Iaztik Tibeteko moja eta fraide asko hil dira bere buruari su emanda.
