Floridako kostako Fort Myers herriko Club Blu diskotekan tiroketa bat izan da, gaztetxoen festa bat egiten ari zirela. Jim Mulligan tenientearen arabera, bi lagun hil dituzte eta hamazazpi zauritu, gutxienez. Pertsona bat atxilotu dutela eta beste baten bila dabiltzala ere zabaldu dute.
Tokiko hedabideek jakinarazi dutenez, adingabe asko zeuden festan.
Lekuko batzuek azaldu dute 30 bat tiro hots entzun dituztela. "Ikaragarrizko anabasa sortu da; jende guztia bere lagunen bila ari zen".
Poliziak jakinarazi du tiroketaren zergatiak argitzeke daudela, baina ez dela "eraso terrorista" izan.
