Tom Price. Osasun idazkaria

Mediku erretiratua, eta abortuaren kontrakoa da Tom Price (Michigan, 1954). Ezin zuen beste modu batera izan, Obamaren Osasun erreforma gehien kritikatu duen kongresista izan da Price, eta oposizioaren kanpaina zuzendu du. Haren ustez, Obamacare planak osasun zerbitzua kaskartu du, eta gobernuarentzat gehiegizkoa izan da kostua. Osasun erreforma bertan behera uztea, hori da egin nahiko lukeen lehen gauza, kargua hartu ondoren. Proposamen bat badu hura ordezkatzeko: abantaila fiskalak ematea, osasun asegurua edukitzeagatik.