Transnistriako bozetako emaitzak ez ditu onartu egungo presidenteak

Igor Smirnov Transnistriako presidenteak ez ditu onartu iragan igandeko bozetako emaitzak, eta helegitea paratu du Hauteskunde Batzorde Zentralean. Bozen %80 zenbatuta, Jevgeni Xevtxuk parlamentuko presidente ohia izan da irabazlea, eta bigarren itzulira pasatuko den hautagaia nor izanen den ez dago argi: Smirnov edo Anatoli Kaminski; azken hori da Errusiaren gogokoa. Transnistria Moldaviako zati da ofizialki, baina 1993tik de facto independentea da, nazioarteak ez onartu arren. Herritarren bi heren inguru errusiar eta ukrainarrak dira.