Bilera etorriko zela espero zen, eta azkenean badu eguna ere. Donal Trump Ameriketako Estatu Batuetako presidenteak jakinarazi du, twitterren, ekainaren 12an bilduko dela Kim Jong-Un Ipar Korekoa presidentearekik, Singapurren.
The highly anticipated meeting between Kim Jong Un and myself will take place in Singapore on June 12th. We will both try to make it a very special moment for World Peace!
— Donald J. Trump (@realDonaldTrump) 2018(e)ko maiatzaren 10(a)
Irango akordio nuklearretik atera zen egun berean eman zuen aditzera Trumpen gobernuak hasita zituela negoziaketak Ipar Korearekin. Mike Pompeo Estatu idazkaria herrialde horretara bidean zela iragarri baitzuen. Bilera horren ostean hiru preso estatubatuar aske utzi zituen Ipar Koreak. Kim Dong-chul (64 urte), Kim Sang-duk (58) eta Kim Hak-song (60 inguru) dira aske utzitako presoak. Hego korearrak dira izatez, eta naziotasun estatubatuarra dute. Haiei harrera egin die gaur Trumpek, bileraren berri eman baino ordu batzuk lehenago.
Bilerarako borondate ona erakusteko keinu gisa hartu dute AEBek presoak askatzea. Hala esan du Trumpek: "Hau arrakastatsua izango dela uste dut. Inoiz ez gara hain urrun iritsi, ez da halako harremanik izan". Gaineratu duenez, uste du Kim Jong-unek "Korea mundu errealera ekarri" nahi duela.
Espero zen bilera Singapurren egitea, Ipar eta Hego Koreako mugan egitea baztertu zuelako asteazkenean Trumpek, eta bi horiek zirelako aukera nagusiak.
