Donald Trumpek AEBetako presidente kargua hartu eta sei hilabetera, oraindik ere hizpide da. Dela hartu dituen neurri polemikoengatik, dela egin ohi dituen adierazpenengatik, komunikabide nagusien tituluetan agertzen da ia egunero. Horiek hala, haren irudia eta kanpaina aztertu eta Trumpen lau urteko agintaldiak ekar ditzakeenak aletu ditu BERRIAk, Elkarrek eta Jakinek elkarlanean argitaratu berri duten Trump, amets amerikarra lanak.
Aleka bildumako libururik berriena —aurretik kaleratutakoak dira Nafarroa, orain ala inoiz ez eta Euskara irabazteko bidean— BERRIAren dendan eskuratu daiteke, 16,5 euroan. BERRIAlagunek 14,4 euroan erosi ahal izango dute.
