Konpainiak jakinarazi duenez, Mojaveko desertuan (Kalifornia, AEBak) gertatu da istripua, eta lagun bat hil eta beste bat zauritu dira. Proba saioak egiten ari zirela "anomalia larri bat" izan du ontziak, konpainiaren arabera. Hala ere, zehazki zer gertatu den ikertzen ari dira.
Turistak espaziora eramatea du xede Virgin Galactic konpainiak, eta mota horretako espaziontziekin egin nahi du. 160.000 euroko kostua du parte hartzeak, eta dagoeneko 800 lagun itxaron zerrendan daude.
Aste honetan bertan, NASAk azpikontratatutako enpresa baten espaziontziak eztanda egin du AEBetan, aireratu eta sei segundora. Nazioarteko Estazio Espazialera zihoan, bidaiaririk gabe.
