Militarrek PKKko gerrillarien kontra erasotu dute Kurdistango eremu ezberdinentan, hegazkinen laguntzarekin. Hildakoak 21 izan daitezke.
Irakek gaitzetsi egin du gaur goizean PKKko gerrillariek Turkiako soldaduen aurka atzo burutu zituzten erasoak, eta babesa agertu dio Turkiari. PKKko gerrillariak Iraken menpe dagoen Kurdistanen babestu ez daitezen laguntza eskaini dio bide batez.
"Irak ez da izango babesleku atzerriko erakunde armatu terroristentzat", esan du Atzerri ministroak ohar batean. Gainera, Kurdistango eskualdeko gobernuaren konpromiso bera agertu du.
PKKko gerrillariek 24 soldadu hil zituzten atzo Kurdistanen Turkiak dituen postu militarren aurka eraso eginda. Horren ondotik Turkiako soldaduek Kurdistanen Irakekin duten muga zeharkatu zuten gerrillarien atzetik.
