Turkian 40 militar erretirarazi dituzte

ANKARA. Turkiako indar armatuetako buruzagitzak atxilotuta dauden 40 jeneral eta almirante erretiratzeko agindua eman du. AKP Justizia eta Garapena Alderdi islamistaren gobernuaren aurkako estatu-kolpe saioarekin zerikusia izatea leporatzen diete. Recep Tayyip Erdogan lehen ministroak, Abdullah Gul presidenteak eta armadako ordezkariek egindako bilkuran hartu dute erabakia.