Donald Tusk Poloniako egungo lehen ministroaren alderdiak irabazi ditu Parlamenturako eta Senaturako hauteskundeak: Herritarren Plataforma liberalak. Parlamenturako bozetan, ofizialki botoen %63,7 zenbatuta dela, Herritarren Plataformak %37,4ko babesa lortu du —legebiltzarreko 460 aulkietatik 191 lirateke—
Jarolsaw Kaczynskiren Legea eta Justizia alderdi kontserbadorea doa bigarren, %30,6rekin —162 diputatu—.
Palikot mugimendu antiklerikalak —duela hilabete batzuk sortu zuten— %9,8ko babesa jaso du —37 aulki—, Nekazarien Alderdi moderatuak %9,5 —42—, SLD plataforma ezkerrekoak %8,2 —28—.
Azkeneko legealdian Nekazarien Alderdiarekin gobernu akordioa eginda agindu du Duskek. Honek kanpainan esana du ez duela Palikotekin behintzat itunik egingo.
Parlamenturako bozetan parte-hartzea %47,25ekoa izan da, aurrekoetan baino %7 txikiagoa.
Senatuko orain arteko emaitzak: Herritarren Plataformak 63 senatari, Legea eta Justiziak 28, Palikotek zazpi, Nekazarien Alderdiak bi.
