Txetxeniarrak «suntsitu» behar direla dio Putinek

Vladimir Putin Errusiako presidenteak Aslan Maskhadov Txetxeniako buruzagi independentistari egotzi zion atzoko atentatua. «Badakigu Maskhadov eta bere bidelapurrak izuaren erantzule direla» esan zuen. Horrela, Putinek Txetxeniako independentistekin hitz egiteari uko egin zion: «Errusiak ez du terroristekin hitz egiten, suntsitu egiten ditu». Bestalde, atentatua dela-eta, Putinek munduko hamaika txokotatik jaso zuen babesa. Erresuma Batuarena, AEBena edota Europako Batasunarena, besteak beste. Europako Batzordeko presidenteak, Romano Prodik, esaterako, bere babesa eskaintzeko gutuna helarazi zion Putini.