Txinan azken urteetako uholde handienak dituzte

PEKIN. Txinan euriteek azken hamarkadako uholderik handienak eragin dituzte. Estatuko komunikabideen arabera, 928 lagun hil dira eta 477 desagertu. Jilin probintziako Kouqian hirian 30.000 lagun geratu dira harrapatuta. Euriteek Xingshan urtegiak eta Songhua ibaiak gainezka egitea eragin zuten. Jilin hirian hainbat lehergailu likido isuri dira Songhua ibaira fabrika kimiko batetik.