Txinari Xiaoboren emaztea askatzeko eskatu diote

PEKIN. Liu Xiaoboren emaztea aska dezan eskatu diote Txinari Bakearen Nobel saria jaso duten hamabost lagunek. Xiaobo izan da azkenekoa saria eskuratzen; hilaren 8an eman zuten epaimahaiaren erabakia, eta emaztea ordutik dute etxean atxilotuta. Rigoberta Menchu, Dalai lama, Desmond Tutu, Lech Walesa, Shirin Ebadi, David Trimble eta Jimmy Carter daude gutuna sinatu dutenen artean.