Petro Poroxenko Ukrainako presidenteak astebeteko su-etena iragarri zuen joan den astean; gaur, berriz, Luxenburgora heldu da gaia, Europako Batasuneko Atzerri ministroek bilera baitute. Bilerara sartu aurretik, Pavlo Klimkin Ukrainako Atzerri ministroak babesa eskatu du, presidentetzak aurkeztutako bake planerako.
Herrialdearen egoera dute aztergai, oro har; oraingoz ez dute aurreikusten Errusiari zigor gehiago jartzea, auzian duen jarreragatik.
Horrez gain, bileran hainbat dokumentu onartuko dituzte, Ukrainak hilaren 27an Europako Batasunarekiko Elkartze Akordioa sina dezan.
Itun polemikoa da, inondik ere. Viktor Janukovitx aurreko presidenteak uko egin zion akordio hori sinatzeari, eta hura kargutik kentzea ekarri zuten protestak piztu ziren.
