Ukrainako Auzitegi Gorenak baliogabetu egin ditu hilaren 7ko hauteskundeetako emaitzak. Julia Timoxenko lehen ministroak jarri zuen helegitea, Viktor Janukovitx oposizioko buruari garaipena eman zioten emaitzak faltsuak direlakoan. Iruzur salaketa aintzat hartu du auzitegiak, eta baliogabetu egin ditu. Ordea, behin-behinekoa da erabakia, epaileek erabaki irmoa hartu artekoa.
Hilaren 25ean hartuko du presidente kargua Viktor Janukovitxek. Timoxenkok auzitegiari eskatu zion haren kargu-hartzea bertan behera uzteko, baina salaketa hori ez du onartu. Auzitegiak dio hautagaia ez duela inork salatu.
Emaitzen arabera, 3,48 puntuko aldea atera zion Janukovitxek Timoxenkori.
MUNDUA
Ukrainako Justiziak baliogabe jo ditu bozetako emaitzak
Timoxenkok aurkeztutako iruzur salaketa aintzat hartu du auzitegiak, eta behin-behinean utzi ditu bertan behera emaitzak, epaileek erabakia hartu artean. Hilaren 25ean du kargua hartzekoa Viktor Janukovitxek.
Iruzkinak
Ez dago iruzkinik
Ordenatu
