2012tik hona, hauteskunde guztietan ikusi dena berretsi zen atzo, Urkulluren arabera. Eta hori "parte hartze oso handiarekin" egin zela azpimarratu du.
Orain, "errealismoa" behar-beharrezkoa dela iritzi dio, eta onartu egin behar dela Katalunian "identitate sentimentu desberdinak" dituen jendea bizi dela. Bi aldeek elkar onartu behar lukete, Jaurlaritzako lehendakariaren arabera, eta Espaniako Gobernuan ere onartu behar luke "bide politikoetatik konpondu beharreko gatazka politikoa dagoela Katalunian".
